Gwybodaeth corfforaethol
Popeth am yr LSC
Ar y dudalen hon:
Pwy ydym ni
Y Comisiwn Gwasanaethau Cyfreithiol (LSC) sydd yng ngofal cymorth cyfreithiol yn Lloegr a Chymru. Rydym hefyd yn gwneud yn siŵr fod pobl yn cael yr wybodaeth, cyngor a help cyfreithiol y maent ei angen i ymdrin ag ystod eang o broblemau.
Gweithiwn mewn partneriaeth gyda chyfreithwyr a sefydliadau dim-er-elw i ddarparu gwasanaethau i helpu pobl mewn angen.
Ein gweledigaeth yw gwneud yn siŵr y gall cleientiaid gael mynediad i’r help maent ei angen i fynd i’r afael â’u problemau.
Sut ydym yn helpu
Bob blwyddyn mae’r LSC yn helpu mwy na dwy filiwn o bobl i ymdrin â’u problemau cyfreithiol.
Ni sy’n rhedeg y cynllun cymorth cyfreithiol, sy’n diogelu rhai o bobl fwyaf agored i niwed a difreintiedig yn ein cymdeithas.
Mae cymorth cyfreithiol yn helpu i sicrhau mynediad i gyfiawnder drwy ddarparu cyngor, gwybodaeth a chynrychiolaeth ansawdd uchel i bobl na fyddai’n medru ei fforddio fel arall.
Mae’n golygu y gall cleientiaid ddiogelu eu hawliau drwy:
- gael cyngor yn gynnar
- medru amddiffyn eu hunain os cânt eu cyhuddo o drosedd
- mynd ag achos i’r llys pan mai dyma’r ffordd orau i ddatrys anghydfod
Cyngor Cyfreithiol Cymunedol yw’n llinell gymorth sy’n cynnig cyngor cyfreithiol cyfrinachol ac annibynnol yn rhad ac am ddim.
Ffoniwch y llinell gymorth yn awr ar 0845 345 4345.
I gael mwy o wybodaeth
Darllenwch fwy am sut mae’r LSC yn gweithio yn yr adran Ein sefydliad.
Darllenwch fwy am gymorth cyfreithiol yma.
Beth yw cymorth cyfreithiol?
Ar y dudalen hon:
Am cymorth cyfreithiol
Mae’r llywodraeth yn darparu cyllid ar gyfer cymorth cyfreithiol i helpu pobl i:
- ddiogelu eu hawliau sylfaenol a chael gwrandawiad teg
- cael mynediad i’r broses llysoedd i gael ateb i anghydfod
- datrys problemau sy’n cyfrannu at allgau cymdeithasol
Mae’r LSC yn rhedeg y cynllun cymorth cyfreithiol yn Lloegr a Chymru. Caiff ein gwaith ei oruchwylio gan y Weinyddiaeth Gyfiawnder a chaiff y gyllideb gyfreithiol flynyddol ei gosod gan y Trysorlys.
Cyngor Cyfreithiol Cymunedol yw ein llinell gymorth yn cynnig gwasanaeth cyfreithiol cyfrinachol ac annibynnol yn rhad ac am ddim.
Ffoniwch y llinell gymorth yn awr ar 0845 345 4345.
Helpu pobl i gael mynediad i gymorth cyfreithiol
Defnyddiwn ein cyllideb flynyddol o £2 biliwn y flwyddyn i helpu tua dwy filiwn o bobl i gael mynediad i gymorth cyfreithiol bob blwyddyn.
Drwy ein cynlluniau cymorth cyfreithiol ariannwn gyfreithwyr ac asiantaethau cyngor i:
- gynghori pobl ar eu problemau cyfreithiol (megis chwalfa deuluol, dyled a cholli eu cartrefi)
- helpu pobl i ddeall eu hawliau a’r gyfraith
- cynghori pobl a gedwir mewn gorsafoedd heddlu
- os oes angen, cynrychioli pobl mewn llys.
Ein hamcan yw helpu cynifer o bobl gymwys ag sydd modd, o fewn cyllideb gyfyngedig.
Mae cymorth cyfreithiol yn sylfaenol i gyfiawnder cymdeithasol. Darllenwch fwy am pam fod cymorth cyfreithiol yn bwysig yma.
I gael gwybodaeth bellach
Cyngor Cyfreithiol Cymunedol yw ein llinell gymorth sy’n cynnig cyngor cyfreithiol cyfrinachol ac annibynnol yn rhad ac am ddim.
Ffoniwch y llinell gymorth yn awr ar 0845 345 4345.
Last updated: 15 February 2008